Alƙawarina na saka hijabi aiki ne na addini

Tehran (IQNA) Tahani Amer, babbar darakta a Sashen Kimiyyar Duniya a NASA, ta ce: ko kadan ban ji tsoron mummunan tasirin da alkawarin da na yi na yi wa hijabi zai iya samun karbuwa a wannan aiki ba, saboda jajircewar da na yi. hijabi wajibi ne na addini, kuma alhamdulillah na yi nasara na rike wannan alkawari.

Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na tashar Aljazeera cewa, Tehani Amer, babbar darakta a Sashen Kimiyyar Duniya a NASA, kuma  injiniya ‘yar kasar Masar, kuma mahaifiyar ‘ya’ya 4, ana daukar ta a matsayin abin koyi ga mata musulmi masu lullube kan su.

A wata hira da ta yi da tashar talabijin ta Aljazeera, ta yi bayani game da nasarorin da ta samu a fannin kimiyya da na dan Adam a matsayinta na mace Musulma Balarabe da ke aiki a fagen binciken kimiyya da fasaha.

Hijabi ba shi ne cikas ga ayyukan ilimi ba

Ayyukan wannan injiniyan ya bude wa 'yan mata da mata da dama a duniya sabon shafi na hangen nesa, domin nasarar da ta samu wani misali ne karara na yadda mata musulmi da lullubi suma suna iya cimma burinsu na yin aiki a fagen aiki da fasaha da bincike.

A cewarta, duk da cewa babu wani hani a fannin hijabi a NASA, amma hijabi a NASA abu ne da ba a saba gani ba. Duk da cewa akwai ma'aikata musulmi da dama da ke aiki a wannan kungiya, amma a cewar wannan injiniyar musulmi, har yanzu ana daukar hijabi wani sabon abu da ba a saba gani a wannan cibiya ba.

A daya bangaren kuma, duk da cewa lullubi a kasashen waje na haifar da banbance-banbance a cikin mutane, ta ce: ban ji tsoron mummunan tasirin da alkawarin da na yi na sanya hijabi zai a kan yiyuwar samun karbuwata a cikin aikin ba, domin jajircewata akan hijabi wajibine na addini kuma alhamdulillahi na samu nasarar rike wannan alkawari.

4126397