Amali za usiku wa Lailatul Raghaib
Usiku wa Lailatul Raghaib umetajwa kuwa miongoni mwa nyakati bora zaidi ambazo Mwenyezi Mungu SWT hujibu Dua za waja Wake.
Inadokezwa kuwa katika usiku huu Malaika wanashuka ardhini kwa lengo la kuchukua ujumbe wa waja wema wenye Ikhlasi na kuufikisha kwa Mwenyezi Mungu SWT.
Kwa hivyo usiku huu ni kati ya nyusiku bora ambazo Mja anaweza kumuomba Mwenyezi Mungu amneemeshe kwa neemba mbali mbali na moja ya neema hizo wakati huu ni afya na salama.
Katika usiku huu inapendekezwa kuswali sala ya Salatul Laylatul Raghaib. Sala hii ina rakaa 12, katika kila rakka unasoma Al Fatiha na Suratul Qadir mara 3 na Suratul Ikhlas mara 12, inaswaliwa kama swalatu Fajir. Halikadhalika inaswaliwa Mufrad na sio jamaa.
Kisha baada ya kukamilisha Sala kuna dhikri ifuatayo ambayo husomwa mara sabini
اللَّهُمَّ صَلِّ عَلَی مُحَمَّدٍ النَّبِیِّ الْأُمِّیِّ وَ عَلَی آلِهِ
Kisha baada ya hapo muumini akiwa katika hali ya kusujudu husoma dhikri ifuatayo
سُبُّوحٌ قُدُّوسٌ رَبُّ الْمَلائِکةِ وَ الرُّوحِ
Baada ya kuinuka kutoka sijda muumini anatakiwa kusoma mara sabini dhikri ifuatayo
رَبِّ اغْفِرْ وَ ارْحَمْ وَ تَجَاوَزْ عَمَّا تَعْلَمُ إِنَّک أَنْتَ الْعَلِی الْأَعْظَم
Mwenye kuswali Salatul Lailatul Raghaib husamehewa madhambi mengi hata yale mazito. Kwa msingi huo ni usiku uliojaa fursa kwa kila mja kujikurubisha kwa Mola Mlezi.
