Quranın 1300 il tarixi olan səhifəsi sərgiyə çıxarıldı
İQNA-nın (Beynəlxalq Quran Xəbər Agentliyi) verdiyi xəbərə görə, BƏƏ-nin Şarcə şəhərinin 38-ci beynəlxalq kitab sərgisində Qurani-Kərimin ən qədim əlyazma nüsxələrindən bir səhifə sərgiyə çıxaralıb.
Ümumi sərgiyə çıxarılmış bu nüsxənin 1300 il tarixi var və Kufi xətti ilə yazılmışdır.
Bu nüsxə Qurani-Kərimin Ənfal surəsinin 72-75-ci ayələrini və Tövbə surəsinin 1-9-cu ayələrini ehtiva edir.
Araşdırmalara görə bu nüsxə hicrətin ikinci əsrinin əvvəllərində (8-ci əsr) və Əməvilər zamanında kitabət edilib. Bu nüsxənin 714-740-cı illər arasında kitabət edildiyi ehtimal edilir.
Qeyd edək ki, BƏƏ-nin Şarcə şəhərinin 38-ci beynəlxalq kitab sərgisi Oktyabr ayının 30-da "bir kitab aç, çoxlu zehnlər işıqlansın" devizi ilə başlayıb və Noyabr ayının 8-dək davam edəcək.
