Ərəbistanda "ən gözəl Azan və Tilavət yarışları" keçiriləcək
İQNA-nın (Beynəlxalq Quran Xəbər Agentliyi) verdiyi xəbərə görə, Səudiyyə Ərəbistanın təşəbbüsü ilə keçirilən "1-ci beynəlxalq ən gözəl Azan və tilavət yarışları" keçiriləcək.
Bu yarışlara dəvət üçün ilk ümumi elan cari ilin May ayının 22-də verilmişdi. Dəvət elanı yayılandan indiyədək yarışlarda iştirak etmək üçün 162 ölkədən 13 min nəfər ad yazdırmış və öz Azan və ya tilavətlərinin audioyazısını yarışların keçirilməsi komitəsinə göndərmişlər.
Səudiyyə Ərəbistanın "1-ci beynəlxalq ən gözəl Azan və tilavət yarışları"nın ilkin mərhələsi İyul ayının 22-dək davam edəcəkdir.
Bu yarışların birinci mərhələsində iştirak etmək istəyənlər İyul ayının 22-dək qarşıdakı sayta - https://quranathanawards.com - müraciət edərək öz Azan və Quran tilavətlərini yarışlara göndərə bilərlər.
Yarışların ikinci və seçim mərhələsi bir ay müddətində - 24 iyuldan 23 Avqustadək – canlı və birbaşa efir vasitəsilə keçiriləcəkdir.
Yarışların üçüncü mərhələsi isə yarışçıların və hakimlərin canlı efirdə çıxışı ilə 24 Avqustdan 24 Sentyabradək keçiriləcək.
Final və sonuncu mərhələ isə Sentyabr ayının 25-dən Oktaybr ayının 25-dək keçiriləcək və qaliblər mükafatlandırılacaqlar.
