İQNA-nın (Beynəlxalq Quran Xəbər Agentliyi) verdiyi xəbərə görə, Misrin "əl-Əqsər" əyalətində arxeoloji qazıntılar zamanı qədim Misrin əfsanəvi nəhəngi Sfinksin (Əbul-Hövl) yeni heykəli tapılıb. Media vasitələrində heykələ aid yeni fotolar yayılıb.
Misrin "əl-Əqsər" əyalətinin arxeoloji tapıntılar təşkilatının baş direktoru Məhəmməd Əbdüləziz və Kanrnaq şəhərinin Tarixi Abidələr idarəsinin baş direktoru Mustafa Səğir bu heykəlin "Əqsər" məbədini Karnaq məbədinə birləşdirən "Əl-Kəbaş" şossesinin genişləndirilməsi əməliyyatında tapıldığını və heykəlin torpaqdan çıxarılması üçün işlərin davam etdiyini deyib.
O əlavə edib ki, heykəlin hazırkı vəziyyətində onu torpaq altından çəkib çıxartmaq mümkün deyil.
Heykəlin bədəni şir və başı insan başıdır. Misrin Tarixi Abidələr və Arxeoloji Qazıntılar naziri Xalid İnani heykəli görmək üçün qazıntı yerinə baş çəkib.